Amerikalı jurnalistin Hindistanın Baş nazirinə verdiyi sual çaxnaşma yaratdı

“Ölkə.Az” xəbər verir ki, Sankt-Peterburqda beynəlxalq iqtisadi formu ərəfəsində Amerikanın “NBC News” telekanalının jurnalisti Meqin Kelli Rusiya prezidenti Vladimir Putin və Hindistanın Baş naziri Naredra Modi ilə görüşüb. Görüş zamanı jurnalist Naredra Modiyə “Twitter” sosial şəbəkəsin olması ilə bağlı sual verib.

“Mən sizin çətirlə olan şəklinizi “Twitter”də görmüşəm. Sizin orada hesabınız varmı?”, - deyə soruşub.

Naredra Modi jurnalistin sualından əsəbləşsə də, ədəblə “bəli” deyərək cavab verib.

Meqin Kellinin bu sualı Hindistan əhalisində qəzəbə səbəb olub. “Twitter”də böyük müzakirələr başlayıb.

Qeyd edək ki, Naredra Modi “Twitter” hesabında izlənməsinə görə dünya siyasətçiləri arasında üçüncü şəxsdir. Onun izləyicilərinin sayı 30 milyondan çoxdur. Meqin Kellinin izləyiciləri isə 2,3 milyondur.

Hətta bir çox “Twitter” izləyicisi həm Hindistanın baş nazirinin, həm də jurnalistin “Twitter” səhifələrinin fotolarını paylaşıblar.

“30 milyondan çox izləyicisi olan “Twitter” sahibini tanımama böyük ayıbdır”, - deyə Meqin Kellini tənqid ediblər.

Ziya Səccad
Ölkə.Az