Litva və Ukrayna hərbi əməkdaşlıq edəcək

2015-2016-cı illər üçün iki ölkənin strateji əməkdaşlığının inkişafının "yol xəritəsi" imzalanıb.

Ölkə.Az ukrayna mətbuatına istinadən xəbər verir ki, Ukrayna və Litva hərbi-texniki sahədə əməkdaşlıq haqqında razılığa gəliblər. Litvanın prezidenti Dalya Qribauskayte Kiyevdə həmkarı Pyotr Poroşenko ilə görüşdə bildirib ki, hərbi köməkçi qurğuların Ukraynaya çatdırılmasına nail olmaq mümkündür.

"Biz hərbi-texniki sahədə əməkdaşlıq haqqında və Ukraynanın hərbi qüvvələri üçün konkret silahlandırma elementlərinin çatdırılması barədə razılığa gəldik. Fikrimcə, bu, dəstəyin nümayiş olunmasıdır", - deyə, Poroşenko Qribauskayte ilə birgə mətbuat konfransında çıxış edərkən bildirib.

RBK-Ukraynanın yaydığı məlumata görə, görüş zamanı tərəflər 2015-2016-cı illər üçün iki ölkənin strateji əməkdaşlığının inkişafının "yol xəritəsini" imzalayıblar.

Xatırladaq ki, bir müddət əvvəl Litva prezidenti Rusiyanı terrorçu dövlət adlandırmışdı. Qribauskaytenin fikrincə, Ukraynanın təzyiqlər olmadan, hərbi müdaxilələrsiz və aqressiyasız avropa istiqamətində hərəkət etməsi üçün siyasi, humanitar və hərbi dəstəyə ehtiyacı var.

Rəşid Mustafazadə

Ölkə.Az