Ukraynada referendum keçiriləcək

Tərəflər artıq hərbi-texniki əməkdaşlıq haqqında razılıq əldə ediblər.

Ölkə.Az "Интерфакс-Украина"-ya istinadən xəbər verir ki, Ukraynanın prezidenti Pyotr Poroşenko bəyan edib ki, ölkənin NATO-ya mümkün üzvlüyü haqqında qərar ümumukrayna referendumunda qəbul olunacaq.

"Ukraynanın NATO-ya üzv olması birbaşa olaraq ukrayna xalqının sçeimidir. Biz Ukraynanın NATO-ya üzvlüyü üçün lazım olan kriteriyaları işləmişik. Yalnız NATO-nun qoyduğu tələblərə cavab verdiyimiz halda xalq referendum yolu ilə NATO-ya üz olub-olmadığını qərarlaşdıra bilər", - deyə, Poroşenko Litva prezidenti Dalya Qribauskayte ilə keçirdiyi birgə mətbuat konfransında bildirib.

Xatırladaq ki, bu gün Kiyevdə Ukrayna və Litva prezidentlərinin görüşü keçirilir. Tərəflər artıq hərbi-texniki əməkdaşlıq haqqında razılıq əldə ediblər.

Rəşid Mustafazadə

Ölkə.Az