Əsəd Trampı fiqura bənzədir

"Ölkə.Az" xəbər verir ki, B.Əsəd müsahibəsində ABŞ-ın 45-ci prezidenti Donald Trampı yenə də tənqid edib. Əsəd Trampı verdiyi vədlərə əməl etməməkdə günahlandırıb. Onun sözlərinə görə, Tramp seçki qabağı verdiyi sözə əməl etmir.

“Donald Trampın prezident seçilməyi bizə bir daha ABŞ siyasətinin iç üzünü göstərdi. Biz bir daha əmin olduq ki, Amerikada əsas sözü prezident demir. Prezident orada sadəcə icarəedici fiqur kimi fəaliyyət göstərir. ABŞ-da əsas söz sahibləri gizlin oyun aparırlar. Tramp isə prezident seçkilərindən əvvəl verdiyi sözlərin çoxunu yerinə yetirə bilməyib”, - deyə B.Əsəd bildirib.

B.Əsəd müsahibə zamanı vurğulayıb ki, Tramp prezident seçiləndən bir müddət sonra 180 dərəcə dəyişib. 

Qeyd edək ki, bu B.Əsədin Trampı pisləməsilə bağlı verdiyi ilk müsahibə deyil. Bir müddət əvvəl diktator Venesuellanın “TeleSUR” telekanalına müsahibə verib. B.Əsəd müsahibəsində Trampın siyasətdən uzaq insan olduğunu deyib. Onun sözlərinə görə, Trampın siyasətdən ümumiyyətlə anlayışı yoxdur.

“Amerika prezidentinin siyasəti yoxdur. ABŞ-ın siyasi institutunun siyasətçiləri dövlətin idarəedilməsinə nəzarət edirlər. Bundan başqa, Amerikanın güclü iqtisadiyyatı var. Onların böyük neft bazası var. Güclü orduları, çoxlu silahları və böyük dövlətlərdə lobbiləri var. Bu səbəbdən də, Amerika digər dövlətlərə hədə-qorxu gələ və dediyini yeridə bilir”, - deyə B.Əsəd bildirib.

B.Əsəd həmçinin deyib ki, ABŞ həmişə dünyaya qeyri-şərtsiz nəzarət etməyi xoşlayır:

“ABŞ hegemonluğunu qorumağa çalışır. Bu səbəbdən də, Suriyada. İranda, Türkiyədə, Koreyada. Rusiyada, bəlkə də Venesuellada baş verənlərə istədiyi vaxt müdaxilə edir. Digər dövlətlərin mənafeyinə xələl gətirərək, ABŞ iqtisadiyyatını möhkəmlətməyə çalışırlar”.

Ziya Səccad
Ölkə.Az