Droqbanın yeni komandası

“Qalatasaray”ın oyunçusu Didye Droqbanın İngiltərənin “Çelsi” klubuna transferi ilə bağlı razılıq əldə olunub.

Ölkə.Az-ın anspress-ə istinadən məlumatına görə, bu barədə futbolçunun özü açıqlama verib.

Türkiyə mətbuatına müsahibə verən Droqba 2004-2012-ci illərdə böyük uğurlar qazandığı “Çelsi”yə geri qayıtdığını bildirib.

“2 həftə sonra “Çelsi” ilə birgə İstanbula gələcəm. Soma faciəsi ilə əlaqədar “Beşiktaş” və “Fənərbaxça” ilə yoldaşlıq oyunu keçiriləcək. Çelsi forması ilə köhnə iki rəqibə qarşı oynamaq həyəcanlandırıcıdır”, deyə Droqba bildirib.

Qeyd edək ki, Droqba 1,5 il idi ki, “Qalatasaray”ın formasını geuinirdi.

Ölkə.Az