Tillerson Fars körfəzi ölkələrinə səsləndi

"Ölkə.Az" xəbər verir ki, Reks Tillerson Qətərlə diplomatik münasibətləri kəsən dörd ərəb dövlətinin qərarını şərh edib. ABŞ rəsmisi deyib: "Biz düşünürük ki, tərəflər aralarında baş verən anlaşmazlığı oturub müzakirə etməlidirlər".

 

Tillerson qeyd edib ki, lazım olsa, ABŞ bu münaqişəni həll etmək üçün hansısa rolu oynaya bilər. Çünki Fars körfəzinin ərəb ölkələri arasında əməkdaşlıq Şurasının qorunub-saxlanılması vacibdir. Bu şuraya Bəhreyn, Qətər, Küveyt, BƏƏ, Oman və Səudiyyə Ərəbistanı daxildir.

 

Qeyd edək ki, 5 iyun tarixində Bəhreyn, Səudiyyə Ərəbistanı, Misir və BƏƏ kimi ərəb dövlətləri Qətərlə diplomatik münasibətləri kəsiblər.