Ərdoğan Putinə təcili zəng vurdu

"Ölkə.Az" xəbər verir ki, bu barədə Kremlin məlumat xidmətindən bildirilib. Məlumatda qeyd edilib ki, telefon danışığı Türkiyə tərəfinin təşəbbüsü ilə keçirilib. Danışıq zamanı iki dövlət arasında iqtisadi əlaqələr, Suriya böhranı və Qətər ətrafında vəziyyəti müzakirə olunub.

“Danışıqlar zamanı iki ölkənin iqtisadi münasibətləri müzakirə edilib. Danışıqlar zamanı son vaxtlar yaranmış problemlərin uğurla həll ediliməsi və iqtisadi tərəfdaşlıq forumunda uğurlu nəticələr əldə olunduğu bildirilib. Danışıqlarda Türkiyənin kənd təsərrüfatı məhsullarının Rusiyaya aparılmasında yaranan əngəllər də müzakirə obyekti olub”, - deyə açıqlama verilib.

Söhbət zamanı iki ölkə rəhbəri Suriyada mövcud problemləri də şərh ediblər:

“Liderlər Suriya probleminin həllində yardım üçün birgə mübarizəni davam etdirmək barədə razılığa gəliblər. Bu istiqamətdə Səudiyyə Ərəbistanı ilə razılaşmanın nəticələri də müzakirə olunub. Həmçinin Suriyada terrorla mübarizədə hansı qüvvələrlə birgə işləmək də danışıq predmeti olub”.
 
Məlumatda həmçinin bildirilir ki, prezidentlər telefon danışığı zamanı ərəb dövlətlərinin Qətərə qarşı birləşməsini də müzakirə ediblər:
 
“Dövlət başçıları Fars körfəzində sülh və sabitliyin qorunması üçün bütün tərəfləri güzəşt əsasında dialoqa çağırıblar”.
 
Söhbət zamanı həmçinin vurğulanıb ki, Yaxın Şərqdə yaşanan kəskin böhranın aradan qaldırılması və terror təhdidlərilə mübarizə beynəlxalq ictimaiyyət  sıx təmas və əlaqələndirmə tələb edir. 

Ziya Səccad
Ölkə.Az