Koalisiya qüvvələri terrorçuların əvəzinə qaçqın düşərgəsini bombaladı

“Ölkə.Az” xəbər verir ki, koalisiya qüvvələri İŞİD terror təşkilatının Rakka ərazisindəki mövqeylərini bombalayıblar. Bombardıman zamanı 30-dan artıq dinc əhali həlak olub. “Al-Mayadin” telekanalının verdiyi məlumata görə, koalisiya qüvvələri terrorçuların mövqeyinin əvəzinə qaçqın düşərgəsini hədəfə alıb. Ölənlərin də həmin düşərgədə məskunlaşan qaçqınlar olduğu bildirilib.

Həmin insanlar Suriyanın digər ərazilərindən terrorçuların əlindən qaçıbmışlar.

Ötən həftənin şənbə günü də eyni hadisə baş veribmiş. Suriya ordusunun verdiyi məlumata görə, həmin vaxt koalisiya qüvvələri Rakkada əməliyyat keçiriblər. Əməliyyat zamanı 43 dinc əhali həlak olub.

Qeyd edək ki, bu, ilk hadisə deyil. Koalisiya qüvvələri 2014-cü ilin avqustundan 2017-ci ilin fevralına qədər 18,6 min aviazərbə endiriblər. Hava zərbələri nəticəsində 396 dinc sakin ölüb, minlərlə insan yaralanıb. ABŞ Silahlı Qüvvələrinin Mərkəzi Komandanlığı tərəfindən məlumatlar təsdiqlənib.

Ziya Səccad
Ölkə.Az