ABŞ-ın təyyarə daşıyanları Yapon dənizini tərk etdi
ABŞ hərbi dəniz qüvvələrinin iki təyyarədaşıyanı təlimləri başa vuraraq Yapon dənizini tərk ediblər.
"Ölkə.Az" xəbər verir ki, Pentaqon rəsmisi ABŞ-ın Şimali Koreyanın fəaliyyətini diqqətlə izlədiyini bildirib. "Ronald Reyqan" təyyarədaşıyanı Tokio ətrafındakı limanda qalacaq.
"Karl Vinson" təyyarədaşıyanı isə Kaliforniyaya yola düşüb. Onu "Nimits" atom təyyarədaşıyanı əvəz edəcək. "Nimits" Hindistan və Yaponiya hərbi dəniz qüvvələri ilə birlikdə təlimlərdə iştirak edəcək. Sonra isə Fars körfəzi rayonuna keçəcək.
Bununla yanaşı Vaşinqtonda qeyd ediblər ki, Şimali Koreya münaqişəsində dəyişiklik olsa, bu planlarda dəyişiklik olacaq.
Hikmət
Ölkə.Az
Ölkə.Az
