5 yaşlı uşaq transformatorda yandı
Bakıda azyaşlı uşağın yanması ilə nəticələnən bədbəxt hadisə baş verib. İnsident Xəzər rayonunda qeydə alınıb.
"Ölkə.Az" Report-a istinadən xəbər verir ki, 2012-ci il təvəllüdlü Abbasova Aysu Taleh qızı həmyaşıdları ilə futbol oynayarkən, top yaxınlıqdakı transformatorun yanına düşüb.
A.Abbasova topu axtararkən transformatorun içərisinə daxil olub. Bu zaman uşaq ehtiyatsızlıqdan açıq elektrik naqillərinə toxunub.
Nəticədə, A.Abbasovanı cərəyan vuraraq yandırıb. Ağır xəsarət alan uşaq Respublika Yanıq Mərkəzinə yerləşdirilib.
Qeyd edək ki, uşaq Bakıya Sabirabad rayonundan ailəsi ilə qonaq gəlib.
