İranda metroda qəza
Tehran metropolitenində qəza baş verib.
"Ölkə.Az" xəbər verir ki, metroda iki qatarın toqquşması nəticəsində 50-dək sərnişin xəsarət alıb. Bu barədə İran dövlət televiziyasının məlumatında bildirilir.
Metropolitenin mətbuat xidmətinin nümayəndəsi Ehsan Mokaddəmin sözlərinə görə, tuneldən çıxan qatar şəhərin qərbində yerləşən Taraşt stansiyasında dayanan digər qatarla toqquşub.
Hadisə Tehran vaxtilə 18.15-də qeydə alınıb. Xəsarət alan sərnişinlər şəhərin üç xəstəxanasına yerləşdiriliblər.
Ziya Səccad
Ölkə.Az
