Rusiya Bəşər Əsəd qüvvələrinə hücuma görə ABŞ-dan hesabat tələb edir
"Ölkə.Az" xəbər verir ki, bu barədə Rusiya Federasiya Şurasının Müdafiə və Təhlükəsizlik Komitəsinin sədr müavini Frans Klinçeviç bildirib. Onun sözlərinə görə, Rusiya tərəfi Təhlükəsizlik Şurasından fövqəladə iclas çağırmağı tələb edib. Təlabatda bildirilib ki, ABŞ Bəşər Əsəd qüvvələrinə vurulan zərbələri izah etməlidir.
“ABŞ-ın rəhbərlik etdiyi koalisiya qüvvələrinin hökümət yönümlü hərbçilərə etdiyi həmlə Suriyada birbaşa müharibənin elan olunması deməkdir. Bu aqresiv addımdır. Rusiya dərhal bu məsələnin araşdırılmasını tələb edir”, - deyə Frans Klinçeviç bildirib.
Onun sözlərinə görə, bu hücum hərbi səhv olmayıb: “Bu düşünülmüş hərbi həmlədir. Bu hücum Suriyada hökümət qüvvələrinin zəiflədilməsinə hesablanıb. Bu hücum hərbi səhv deyil”.
Qeyd edək ki, ABŞ-ın rəhbərlik etdiyi koalisiya Suriyanın At-Tanfa rayonunda hökümətyönümlü qüvvələrə yenidən zərbə endirib . Həmlə nəticəsində Bəşər Əsəd tərəfdarlarına məxsus tank, artilleriya, havadan müdafiə vasitələri, üzərinə silahlar quraşdırılmış texniki avtomobillər və 60-dan çox hərbçi məhv edilib.
Ziya Səccad
Ölkə.Az