Tramp Qətərlə əməkdaşlıq etmək niyyətindədir
ABŞ prezidenti Donald Tramp Qətərlə əməkdaşlıq etmək üçün əmirlə əlaqə saxlayıb.
"Ölkə.Az" xəbər verir ki, bu barədə Ağ Evin mətbuat katibi Şon Spayser bildirib. Onun sözlərinə görə, Tramp Qətərlə terrorla mübarizə istiqamətində əməkdaşlığa üstünlük verir.
“Donald Tramp Qətər əmiri ilə çox məhsuldar bir danışıq aparıb. Ümid edirik ki, həmin danışıqlar öz bəhrəsini verəcək. Terrorla mübarizə sahəsində Qətərlə əməkdaşlıq müsbət nəticələr verə bilər”, - deyə Şon Spayser bildirib.
Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.
Ziya Səccad
Ölkə.Az
