10 ilə neft tükənəcək

Regionda neftin gündəlik hasilat səviyyəsi 8,3 milyon barreldən sıfıra enəcək.

Ölkə.Az TASS agentliyinə istinadən xəbər verir ki, iranlı analitiklərin fikrincə, Asiya və Asiya-Sakit okean regionunda 10 il müddətinə neft ehtiyatları tamamilə tükənəcək və barrelə görə 100 dollar dövrü keçmişdə qalacaq.

Ekspertlər hesab edir ki, regionda neftin gündəlik hasilat səviyyəsi indiki 8,3 milyon barreldən sıfıra enəcək. Bundan sonra isə növbə Avropa, Avrasiya və Afrikaya çatacaq və gündəlik neft hasilatı indiki göstəricilərdən çox fərqlənəcək.

İranın Shana agentliyinin yaydığı məlumata əsasən, dünyada olan 1669 milyard dollar barrellik neft ehtiyatlarının 48,4 faizi Yaxın Şərq ölkələrinin payına düşürdü. Siyahıda Yaxın Şərq ölkələrinin ardından 19,68 faizlə Mərkəzi və Cənubi Amerika, 13,2 faiz - Şimali Amerika, 8,44 faiz - Avropa və Avrasiya, 7,81 faiz - Afrika, Asiya və Asiya-Sakit okean regionu isə 2,49 faiz. Bu hesablamalarda mənzərəni bir o qədər də dəyişməyən ABŞ və Kanadanın bitumioz qumları nəzərə alınmayıb.

Bununla yanaşı, Yaxın Şərq 86,15 milyon barrellə dünya üzrə neft hasilatının 32,8 faizini, xammal satışının isə 28,3 faizini təmin edirdi. Avropa və Avrasiya isə (sutkada 17,2 milyon barrel) öz ehtiyatlarını 22 il müddətində tamamilə tükədəcək. Afrikada neft ehtiyatı normal müddət üçün yetərli olacaq.

Bütövlükdə isə indiki sürətlə Yer üzündə neft ehtiyatları 58 il yetəcək. Neft hasilatının gələcəkdə azalması dünyada qiymətlərin qalxmasına səbəb olacaq.

Rəşid Mustafazadə

Ölkə.Az