Məşhur Azərbaycan gimnastı karyerasını başa vurdu

"Ölkə.Az" xəbər verir ki, məşhur gimnast İnstaqram səhifəsində bu barədə məlumat verib.

Marinanın paylaşımında yazılıb: Hər şey üçün təşəkkür edirəm, səni çox sevirəm Azərbaycan! Hər zaman qəlbimdə qalacaqsan! Səmimi qəlbdən məşqçi, xoreoqraf, həkim, masajçı və bir çoxlarına, bir çox insana təşəkkür edirəm. 5 il ərzində mənə inanan, kömək edən, müalicə edən, qayğıma qalan, dəstəkləyən hər kəsə təşəkkür edirəm. Siz olmasaydınız, mən heç nəyə nail olmazdım. Sizinlə vidalaşmaq mənim üçün ağırdır. Bağışlayın ki, hər birinizə təşəkkür edib, şəxsən sizinlə vidalaşa bilmədim. İnanıram ki, biz yenə görüşəcəyik.

Azərbaycan respublikasının prezidenti İlham Əliyevə, Azərbaycan Gimnastika Federasiyasına və şəxsən Azərbaycanın birinci vitse-prezidenti Mehriban Xanıma məşqlərdə yaratdıqları gözəl şəraitə və idmançılara göstərilən diqqət və qayğıya görə təşəkkür edirəm. Bu şərait və qayğı dünyanın heç bir yerində yoxdur. Çox sağolun ki, bizim əziyyətimizi belə yüksək qiymətləndirirsiniz. İdman və Gənclər nazirliyinə, Milli Olimpiya Komitəsinə böyük yardım və anlayışa görə təşəkkür edirəm. Gimnastika Federasiyasına hər şeyin yaxşı olduğu və mənim üçün etdiklərinə görə təşəkkür edirəm. Siz mənə çox şeyi öyrətdiniz. Mən bunu ömrüm boyu xatırlayacağam. Bütün dostlarıma təşəkkür edirəm. Heç vaxt sizi belə tərk edəcəyimi düşünməmişdim. Amma mən qəlbimdə ağrı və böyük sevgi ilə gedirəm. Səni sevirəm, Azərbaycan!"

Qeyd edək ki, Marina Durunda 2015-ci ildə keçirilən Avropa oyunlarının gümüş medalçısı, 2015-ci il Avropa çempionatının bürünc medalçısı 2016-cı il Olimpiya Oyunlarının finalçısı, 2017-ci il İslam Oyunlarının çempionudur.

Hikmət
Ölkə.Az