ABŞ konqresində Donald Tramp impiçment edilə bilər
"Ölkə.Az" xəbər verir ki, bu barədə ABŞ konqresmeni və xarici münasibətlər komissiyasının üzvü Bred Şerman bildirib. Onun sözlərinə görə, ABŞ konqresi bu məsələni diqqətdə saxlayır.
“Ola bilrə ki, bu il ABŞ konqresində Donald Trampın impiçment edilməsi reallaşsın”, - deyə Bred Şerman bildirib.
Qeyd edək ki, bir müddət əvvəl ABŞ Konqresinin Nümayəndələr Palatasının üzvü El Qrin Amerikanın 45-ci prezidenti Donald Trampın impiçment elan edilməsini təklif edib.
El Qrin bu barədə “Twitter” hesabında yazıb. O, yazıb ki, bu məsələni şəxsi siyasi hədəflərə görə qaldırmır.
“Prezident də daxil olmaqla ABŞ-da heç kim qanundan yuxarıda dayanmır. Lakin görünür Tramp bunu qəbul etmək istəmir. Bu səbəbdən də, mən Donald Trampın impiçment elan edilməsini təklif edirəm”, - deyə El Qrin yazıb.
Ziya Səccad
Ölkə.Az
