Dünyanın nəzəri Türkiyənin Qətərdəki hərbi bazasına yönəlib

"Ölkə.Az" xəbər verir ki, Türkiyə ilə Qətər əmirliyi arasında imzalanan müqaviləyə əsasən türk əsgəri paytaxt Dohadakı "Əl Rayyan" hərbi bazasındadır. 94 əsgərin olduğu baza dənizdən və havadan dəstəklənə bilər.

 

Qətərlə Türkiyə arasında danışıqlar hələ 2014-cü ildən başlayıb. 2015-ci ilin mart ayında imzalanan müqavilədən sonra Dohadakı hərbi bazaya ilk dəfə 2015-ci ilin oktyabr ayında hərbi kontingent göndərilib.

 

Hərbi bazada əvvəlcə 130 əsgər və zirehli texnika olub. Türk hərbçilərinin əsas vəzifəsi Qətər hərbçilərinin təlimi olsa da, bölgədə baş verə biləcək böhranlara müdaxilə də edə bilərdi. 3 min nəfərlik bazada hazırda 94 hərbçi var.

 

Hazırda Türkiyənin bazadakı hərbi kontingetini artırıb-artırmayacağı dəqiq bilinmir.