Vladimir Putin Astanaya səfər etdi
Rusiya prezidenti Vladimir Putin Qazaxıstanın paytaxtı Astanaya səfər edib.
"Ölkə.Az" xəbər verir ki, Putin Şanxay Əməkdaşlıq Təşkilatına üzv ölkələrin Şurasının iclasında iştirak edəcək. Şanxay Əməkdaşlıq Təşkilatına üzv ölkələrin liderlərinin sammiti 8-9 iyun tarixləri arasında Astanada keçiriləcək. Dövlət başçıları Şurasının iclası isə həftənin cümə günü baş tutacaq.
Rusiyalı lider Çin Xalq Respublikasının sədri Si Çzinpinlə görüşəcək sonra isə sammitin rəsmi olmayan hissəsində iştirak edəcək.
Qeyd edək ki, Putinin Çin lideri ilə bu il ikinci görüşüdür. Əvvəlcə onlar 14-15 may tarixlərində Çində keçirilən "Bir qurşaq-bir yol" forumu çərçivəsində də görüşüblər.
Hikmət
Ölkə.Az
Ölkə.Az
