“Kitabsevərlər” qrupunun “Kitab al, kitab qazandır” layihəsi davam edir
“Kitab al, kitab qazandır” adlı layihədə “Kitabsevərlər” qrupunun 15- ci nəşri olan Maksim Qorkinin “Mən necə oxumuşam” adlı kitabını almaqla, Qubanın dağ kəndlərində yaşayan uşaqlara bu kitabdan hədiyyə etmiş ola bilərsiniz
Ölkə.Az xəbər verir ki, layihənin şərtləri aşağıdakılardan ibarətdir:
1) Əsas şərt:
Siz o uşaqlara deyil, özünüzə, övladınıza və ya yaxınlarınıza kitab alırsınız, sizlər tərəfindən alınan hər 2 kitaba görə biz 1 kitab hədiyyə üçün ayırırıq. Yəni, özünüzə almaqla qazandırmış olursunuz.
2) Könüllü yardım:
Hər kəs istəsə təqdimat günü məktəb ləvazimatı, dərslik və uşaqlar üçün bədii kitablar da gətirərək həmin uşaqlara göndərə bilər. Dərslik və kitablar işlənmiş də ola bilər.
Təqdimat iyunun 11- i saat 14-00- dan 17-00- dək Elmlər Akademiyasının qarşısındakı parkda, açıq havada təşkil ediləcək. Kitabın qiyməti 3 AZN- dir.
Ölkə.Az kampaniya ilə bağlı videonu oxucularına təqdim edir:
