Bakıda sərnişin avtobusunun qarşısını kəsən sürücü
Bakı Nəqliyyat Agentliyinin İctimai əlaqələr və maarifləndirmə şöbəsinin müdiri Mais Ağayev “Ölkə.Az”a açıqlamasında bildirib ki, mübahisəyə minik maşınının sürücüsünün avtobusun qarşısını kəsməsi səbəb olub. O, bununla bağlı video görüntünü təqdim edib:
Videodan da göründüyü kimi “BakuBus”a məxsus 1 saylı marşrut avtobusu Qara Qarayev prospekti dayanacağından hərəkət edən zaman öz şəxsi avtomobilini (99 EH-075 nömrə nişanlı, Hunday Sonata) avtobusun qarşısında saxlayan şəxs sürücünün xəbərdarlıqlarına məhəl qoymayaraq hərəkəti ləngidir. Eyni zamanda həmin şəxs qayda pozuntusuna yol verdiyi halda öz qanunsuz əməliində israr edir. Yalnız sərnişinlərin müdaxiləsindən sonara o öz qanunsuz əməlindən çəkinir.
“Bu hadisə bir daha ictimai nəqliyyatın idarə olunmasında ictimai fəal sərnişinlərin və ictimai qınağın vacib və effektli olduğunu göstərir”, - deyə Mais Ağayev bildirib.
Ziya Səccad
Ölkə.Az
