Qətər əmiri Trampı pərt etdi
Qətər əmiri şeyx Təmim bin Həməd Al-Tani ABŞ prezidenti Donald Trampın Vaşinqtona dəvətini rədd edib.
"Ölkə.Az" xəbər verir ki, Al-Tani Qətərin sanksiyalara məruz qaldığı müddətdə ölkəni tərk etmək istəmədiyini əsas gətirib. Bu səbəbdən də, o, Amerikaya getməkdən imtina edib.
Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.
İran isə Qətərə dəstək verib. İran Qətərə tətbiq edilən sanksiyaları pisləyib. Türkiyə prezidenti Rəcəb Tayyip Ərdoğan da Qətərlə diplomatik münasibətləri davam etdirəcəklərini bildirib.
Ziya Səccad
Ölkə.Az
