Tramp Tillersonu Qətər ilə ərəb dövlətləri arasında vasitəçi seçdi
"Ölkə.Az" xəbər verir ki, bu barədə Ağ Evdən məlumat verilib. Bildirilib ki, Tillersona Amerikanı problmelərin həlli üçün vasitəçilik həvalə olunub.
“ABŞ hesab edir ki, ərəb dövlətləri arasında yaranmış münaqişə sülh yolu ilə həll olunmalıdır. Dünyada müharibələrin, münaqişələrin və terrorun tüğyan etdiyi ərəfədə Fars körfəsində gərginlik heç də yaxşı deyil. Bu səbəbdən də, Amerika ərəb dövlətləri arasında sülh yaranması üçün əlindən gələni əsirgəməyəcək”, - deyə məlumatda bildirilib.
Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.
Ziya Səccad
Ölkə.Az
