Qətərin ABŞ-dakı səfiri: "Böhranın həllində Trampın böyük rolu var"

"Ölkə.Az" xəbər verir ki, Qətərin ABŞ-dakı səfiri Meşal ben Həməd Əl Tani bu barədə açıqlama verib. Rəsmi Doha ABŞ liderindən Səudiyyə Ərəbistanı, BƏƏ və Bəhreynin niyyətlərini anlamağa kömək etməyi xahiş edib. Səfir deyib: "Biz Trampın böhranı nizamlama bacarığına inanırıq".

Onun sözlərinə görə, Qətəri iqtisadi və diplomatik blokadaya alan Səudiyyə Ərəbistanı, BƏƏ və Bəhreyn 10 gün ərzində tələblərini hazırlayacaqlar: "Biz istəyirik ki, ABŞ bizə bu üç ölkənin nə istədiyini anlamaqda kömək etsin. Çünki onlar hələ özləri də nə istədiklərini bilmirlər. Son dövrlər ABŞ tərəfindən bu məsələdə ciddi addımlar atılıb. Biz Trampa təşəkkür edirik və ona çox hörmətlə yanaşırıq. Səmimi qəlbdən inanırıq ki, ABŞ və prezidentinin iştirakı böhranın həllinə kömək edəcək".

Hikmət
Ölkə.Az