Azərbaycanda daha iki bank birləşdi
Əmanətlərin Sığortalanması Fondu (ADIF) “AtaBank” və “CDB Bank”ın birləşməsi ilə bağlı açıqlama yayıb.
Fonddan "Ölkə.Az"a verilən məlumata görə, “AtaBank” ASC 21 dekabr 1992-ci ildə 92 nömrəsi ilə Mərkəzi Bank tərəfindən dövlət qeydiyyatına alınmış “Caspian Development Bank (CDB)” ASC-nin ona qoşulması nəticəsində yenidən təşkil edilib.
Qeyd olunanlarla əlaqədar bildirilib ki, 4 fevral 2015-ci ildə 44 nömrəli reyestr nömrəsi ilə fonda üzv olan “Caspian Development Bank (CDB)” “AtaBank” ASC-yə qoşularaq yenidən təşkil edildiyi üçün fonda üzv bankların reyestrindən çıxarılıb və ona verilən şəhadətnamə ləğv edilib.
Bununla da, fond üzvü olan bankların sayı 31-ə çatıb.
