Şimali İraq Kürd Muxtariyyatının referendum qərarına Türkiyədən sərt reaksiya
"Ölkə.Az" xəbər verir ki, Türkiyənin xarici işlər nazirliyi bu qərar ilə bağlı açıqlama verib. Açıqlamada qərara "Vahiməli bir səhv olaraq görürük"-reaksiyası verilib.
Sentyabr ayına planlaşdırılan referenduma Türkiyə reaksiya verib: "Bunun vahiməli bir səhv olacağını düşünürük. İraqın ərazi bütövlüyü və siyasi birliyinin mühafizə edilməsi rəsmi Ankaranın İraq siyasətinin əsas maddələrindən biridir".
Açıqlamada deyilir: "ŞİKM-nın bir müddətdir planlaşdırdığı müstəqillik referendumu haqqında narahatçılığımızı və fikrimizi İraq hökuməti və ŞİKM ilə beynəlxalq cəmiyyətin üzvləri ilə paylaşdıq. Belə bir referendum nə İraqın, nə də ŞİKM-nın maraqlarını təmin etməyəcək. Kritik məsələlərin tüğyan etdiyi bölgədə belə bir referendum qeyri-sabitliyi artıracaq və pis nəticələr yaradacaq".
Qeyd edək ki, Məsut Bərzani müstəqillik referendumunu 25 sentyabr tarixinə təyin edib.
Hikmət
Ölkə.Az