Nazarbayev: "Astanadakı ŞƏT-in sammitində təşkilatın yeni tarixi başlayır"
Qazaxıstan prezidenti Nursultan Nazarbayev bəyan edib ki, Şanxay Əməkdaşlıq Təşkilatının sammitində yeni tarix başlayacaq.
"Ölkə.Az" xəbər verir ki, Hindistan və Pakistan da Şanxay Əməkdaşlıq Təşkilatına üzv olur.
Nazarbayev deyib: "Astanada keçirilən sammitdə təşkilatımızın yeni tarixi başlayır. Bu iclas sonuncu dəfədir ki, altıtərəfli formatda keçirilir Bu gün biz təşkilata Hindistan və Pakistanın qəbul edilməsi proseduru barədə qərarı imzaladıq".
Qazaxıstan prezidentinin fikrinə əsasən, təşkilata yeni üzvlərin qəbulu ŞƏT-ə daha da güc əlavə edəcək və onun beynəlxalq nüfuzunun artımına səbəb olacaq.
Bundan başqa sammit iştirakçıları beynəlxalq terrorizmə qarşı ortaq bəyanat imzalamağa və ekstremizmə qarşı mübarizəyə dair konvensiya imzalamağa hazırlaşırlar.
Hikmət
Ölkə.Az
Ölkə.Az
