Leyboristlər Tereza Meyi topal ördək adlandırdılar
İngiltərədə 8 iyun tarixində növbədənkənar parlament seçkiləri keçirilib.
"Ölkə.Az" xəbər verir ki, Tereza Meyin təmsil etdiyi Konservatorlar partiyası parlamentdə hökuməti qurmaq üçün kifayət qədər deputatla təmsil oluna bilməyib. Leyboristlər partiyası isə ilk açıqlamasını verib. Açıqlamada deyilir: "Koalisiya qurmayacayıq".
Partiyanın maliyyə katibi Con MakDonnell leyboristlərin koalisiya qurmayacağını bildirib: "Bu ölkəyə xidmət üçün özümüzü irəli atmağın zamanıdır. Çünki Konservatorların sabitlik yaradacağını, baş nazir Tereza Meyin sabitlik gətirəcəyini düşünmürəm. Təhqir etmək istəmirəm, amma baş nazir artıq topal bir ördəkdir".
Konservatorlar isə Şimali İrlandiya Demokratik Birlik partiyası ilə görüşlərə başlayıb. Bu partiya seçkilərdə 10 deputat mandatı əldə edib.
Hikmət
Ölkə.Az
Ölkə.Az
