Tramp sabiq FTB direktorunun istintaqa cəlb edilməsini tələb etdi

"Ölkə.Az" xəbər verir ki, o, seçkidən əvvəl və sonrakı dövrdə Trampa aid bütün çirkin işləri ortaya töküb. Bundan əsəbləşən ABŞ prezidenti isə Kominin istintaqa cəlb edilməsini tələb edib.

 

Ceyms Komi Senatın kəşfiyyat komitəsinə vəzifədən alınmasına aid ifadə verdikdən sonra Trampın vəkili Mark Kaskovitç onun istintaqa cəlb edilməsi barədə çağırış edib.

 

Komi iki saat yarımlıq ifadəsində yanvar ayından bu yana Tramp ilə keçirdiyi bütün təkbətək görüşləri qeydə aldığını söyləmişdi. Vəzifədən kənarlaşdırıldıqdan sonra Komi Kolumbiya universitetində işləyən yaxın bir dostuna bu danışıqları sızdırdığını bildirmişdi.

 

Trampın vəkili isə açıqlama verərək bildirib ki, Kominin bu etirafı ABŞ prezidenti haqqında məlumat sızdıran şəxslərdən biri olduğunu ortaya çıxarır.