Samuxda avtomobil 11 yaşlı piyadanı vuraraq öldürüb
Samux rayonunda piyadanın ölümü ilə nəticələnən yol-nəqliyyat hadisəsi baş verib.
Ölkə.Az-ın APA-ya istinadən verdiyi məlumata görə, rayon sakini Şammədov Bilal “VAZ 2109” markalı avtomobillə hərəkətdə olarkən yolu keçmək istəyən 2006-cı il təvəllüdlü İsmayılov Sübhan Mehman oğlunu vurub.
11 yaşlı uşaq hadisə yerində keçinib.
Faktla bağlı Samux rayon Polis İdarəsində araşdırma aparılır.