Trampdan çox təhlükəli açıqlama

"Ölkə.Az" xəbər verir ki, Tramp Qətəri uzun zamandır terrora dəstək verən dövlət olmaqda günahlandırıb. O, Qətər üçün “artıq terrora dəstək verməyi dayandırmağın zamanıdır”, - deyə bildirib.

Tramp bu barədə ötən ay Səudiyyə Ərəbistanında keçirilən konfransda da danışdığını deyib.

“Mayın 21-də 50 müsəlman ölkəsinin də qatıldığı konfransda iştirak edən zaman bu barədə danışmışdıq. Ümid edirdim ki, bundan sonra Qətər terrorçulara maddi dəstək olmaz”, - deyə Tramp fikirlərini sərt şəkildə ifadə edib.

Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.

ABŞ prezidenti Donald Tramp Qətər ilə ərəb dövlətləri arasında yaranmış münaqişəni izləmək və problemin həllində vasitəçi olmağı Amerikanın dövlət katibi Reks Tillersona tapşırıb.

Reks Tillerson da öz növbəsində Bəhreyn və Misir dövlətlərinə Qətərlə bağlı müraciət ünvanlayıb. Müraciətdə yaranmış münaqişəyə son qoymaq təklif edilir. Onun sözlərinə görə, ərəb ölkələri ilə Qətər arasında gərginlik ABŞ və onun rəhbərlik etdiyi koalisiya qüvvələrinə İŞİD terror təşkilatı ilə mübarizə aparmaqda mane olur.

Ziya Səccad
Ölkə.Az