Əfqanıstan ordusunun əsgəri ABŞ hərbçilərini güllələdi
Əfqanıstanda iki ABŞ əsgəri həlak olub.
"Ölkə.Az" xəbər verir ki, hadisə Nanqarhar əyalətinin Açin rayonunda baş verib.
Əfqanıstan Silahlı Qüvvələrinin əsgəri amerikalı hərbçilərə atəş açıb. Hadisə zamanı daha iki ABŞ əsgəri yaralanıb, biri ölüb.
Hücum edən hərbçi cavab atəşi ilə öldürülüb.
Xatırladaq ki, analoji hadisə bu ilin mart ayında da qeydə alınmışdı. Həmin vaxt Əfqanıstan Silahlı Qüvvələrinin əsgəri amerikalı hərbçilərə atəş açmışdı. Həmin vaxt 3 ABŞ hərbçisi yaralanmışdı.
Qeyd edək ki, ABŞ hərçiləri 2001-ci ildən Əfqanıstanda "Taliban" və İŞİD terrorçularına qarşı əməliyyatlar keçirir. 2015-ci ildə NATO hərbçiləri Əfqanıstanda əməliyyata qoşulublar.
Ziya Səccad
Ölkə.Az
