Litvada \"Dəmir canavar-2017\" təlimləri start götürdü

"Ölkə.Az" xəbər verir ki, NATO-nun 9 ölkəsinin minlərlə hərbçisi bu təlimlərdə iştirak edir. Bu barədə Litvanın müdafiə nazirliyi məlumat verib.

Təlimlərdə Belçika, Böyük Britaniya, Almaniya, Lüksemburq, Niderland, Norveç, Polşa, Portuqaliya və ABŞ-dan olan 5 min 300 hərbçi iştirak edir.
Məşqlər 23 iyun tarixinə qədər davam edəcək. Təlimlərin əsas məqsədi Litvadakı bölmələrin və Almaniyanın rəhbərlik etdiyi beynəlxalq batalyonun hərbi tapşırıqlarını yerinə yetirmək və milli hərbi qüvvələrlə koordinasiyanı qurmaqdır. Hərbi təlimlər müddətində hərbi texnika nəinki poliqon ərazilərində, eyni zamanda mülki ərazilərdə də olacaq.

"Dəmir canavar-2017" təlimləri hər il Baltikyanı ölkələr və Polşada keçirilən "Qılınc zərbəsi" manevrlərinin bir hissəsidir. Təlimlər ABŞ-ın Avropadakı quru qoşunlarının ştabı tərəfindən təşkil edilir.

Hikmət
Ölkə.Az