Puerto-Riko ABŞ-ın 51-ci ştatı olmaq istəyir

"Ölkə.Az" xəbər verir ki, referendumda səs verənlərin 97 %-i sorğunun lehinə səs verib.

Karib dənizində ABŞ-a bağlı, daxili məsələlərində müstəqil muxtar bölgə olan Puerto-Riko dünən referendum keçirib. Referendumda iştirak edənlərin 97.2 %-i ölkənin ABŞ-ın ştatı olmasına səs verib.

Müxalifət partiyalarının boykot etdiyi referendumda isə əhalinin cəmi 23 %-i iştirak edib. Referendumda iştirak edənlərin 1.5 faizi müstəqil dövlət, 1.3 faizi isə adanın bu günkü statusuna səs verib. Referendumun nəticələri qanuni bir nəticə daşımır.

ABŞ 2006-cı ildə Puerto-Riko ilə bağlı vergilərin azaldılması qərarını ləğv edib. Bundan sonra ölkədə böhran dərinləşib və əhalinin 10 faizi ABŞ-a köçüb. Adada yaşayan digər sakinlərin yarısı isə yoxsulluq içində sürünür. Əhalinin işsizlik səviyyəsi 20 %-dən yuxarıdır.

1898-ci ildə ABŞ tərəfindən İspaniyadan alınan Puerto Riko vətəndaşları 1917-ci ildən ABŞ vətəndaşı sayılırlar.

Amma ABŞ prezident seçkilərində iştirak etmirlər.

Hikmət
Ölkə.Az