Panamanın eks-prezidenti ABŞ-da saxlanıldı

"Ölkə.Az" xəbər verir ki, Rikardo Martinelli Florida ştatının Mayami şəhərində saxlanılıb. Bu barədə nüfuzlu "Reuters" agentliyi xəbər yayıb. Latın Amerika respublikasının Ali məhkəməsinin tələbi ilə Martinelli federal marşallar xidməti tərəfindən saxlanılıb.

 

Martinelli 2009-2014-cü illər ərzində prezident olduğu dövrdə 150-dən çox insanın dinlənilməsini təşkil etdiyi üçün İnterpolun xətti ilə beynəlxalq axtarışa verilmişdi. Bundan başqa siyasətçi korrupsiyada da ittiham edilir. Onun günahı sübuta yetirilsə, eks-prezident ömrünün 21 ilini dəmir barmaqlıqlar arxasında keçirəcək.

 

Bir müddət əvvəl Martinelli siyasi təqibin qurbanı olduğunu bəyan etmişdi. Eks-prezident 2015-ci ildə Panamanı tərk edib.