Afət Telmanqızı baş redaktorluğunu təkzib edir?
Space Tv-nin xəbərlər departamentinə baş redaktor təyin edildiyi bildirilən Afət Telmanqızı yeni təyinatını nə təsdiq, nə də təkzib edib.
"Ölkə.Az"-ın əməkdaşıyla söhbətində keçmiş ANS-çi bunları deyib:
"Xəbəri yazıb, sonra soruşursunuz? Hazırda Space-in xəbərlər departamentində mənim, yaxud Azadə Balayevanın baş redaktor olması barədə heç nə deməyəcəyəm. Ümumiyyətlə, daha bu barədə danışmaq fikrim yoxdur".
Qeyd edək ki, ötən gün daxil olan məlumatda Afət Telmanqızının Azadə Balayevanın yerinə təyin edildiyi və ikincinin bu səbəbdən şirkətdən ayrıldığı bildirilir.
Xatırladaq ki, bu, son bir ayda Space-də eyni posta üçüncü təyinatdır.
İntiqam VALEHOĞLU
Ölkə.Az
