Putin Səudiyyə kralı ilə Qətər böhranını müzakirə edib
Rusiya prezidenti Vladimir Putin və Səudiyyə Ərəbistanının kralı arasında telefon danışığı baş tutub.
"Ölkə.Az" xəbər verir ki, Rusiya lideri kral Salman ben Abdel Aziz Əl Səudla Qətər ətrafında son günlər cərəyan edən məsələni müzakirə edib. Bu barədə Kremlin mətbuat xidməti məlumat yayıb.
Məlumatda deyilir: "Səudiyyə şahzadəsinin bu yaxınlarda Moskva səfərinin nəticələri nəzərə alınaraq Rusiya-Səudiyyə Ərəbistanı münasibətlərinin müxtəlif sahələrdə inkişaf məsələsi müzakirə edilib. Hər iki tərəf qarşılıqlı əməkdaşlığın fəallaşmasından məmnunluğunu ifadə edib".
Dövlət başçıları Yaxın Şərq, Şimali Afrika regionunda baş verən hadisələrə dair fikir mübadiləsi aparıblar. Eyni zamanda Qətər ətrafında baş verən vəziyyətə də toxunublar.
Hikmət
Ölkə.Az
Ölkə.Az
