Banqladeşdə torpaq sürüşməsi

"Ölkə.Az" xəbər verir ki, bazar ertəsindən başlayan leysan yağışlar nəticəsində baş verən torpaq sürüşməsi bir çox evin torpaq altında qalmasına səbəb olub. Nəticədə ən azı 48 nəfər həlak olub.

 

Banqladeş ordusunun mətbua katibi Rezaul Karim bildirib ki, bir avtomobil yolu yaxınlığında baş verən torpaq sürüşməsindən sonra bölgəyə cəlb edilən axtarış-xilasetmə qrupunun iki üzvü və 2 hərbçi həlak olub. 2 nəfər isə itkin düşüb.

 

Rangamati bölgəsində 26, Çittaqonqda 12, Bandarbanda isə 10 nəfər həlak olub.

 

Xilasetmə işləri davam etdirilir. Bəzi ucqar bölgələrə gediş-gəliş mümkün olmadığı üçün ölü sayı arta bilər.