Göygöldə ağır qəza: iki yaralı
Göygöldə yol-nəqliyyat hadisəsi baş verib.
Ölkə.Az ARB Kəpəz-ə istinadən xəbər verir ki, qəza Bakı-Qazax magistralının 371-ci km-də qeydə alınıb. Goranboy rayonun Dəyirmanlar kənd sakini, 37 yaşlı Saday Allahverdiyev “QAZ-3129” markalı avtomobillə hərəkətdə olarkən idarəetməni itirib və maşın yolun kənarında olan dəmir maneəyə çırpılıb.
Qəza zamanı sürücü ağır, sərnişini-həyat yoldaşı 46 yaşlı Mahirə Məmmədrzayeva isə yüngül xəsarət alıb. Hər iki yaralı Gəncə şəhər Təcili Tibbi Yardım Xəstəxanasına aparılıb. Saday Allahverdiyevin vəziyyəti ağır olduğundan reanimasiya şöbəsinə yerləşdirilib.
Faktla bağlı araşdırma aparılır.
