Rusiyada 136 yetkinlik yaşına çatmayan şəxs saxlanılıb

"Ölkə.Az" xəbər verir ki, bu barədə Rusiya Daxili İşlər Nazirliyinin nümayəndəsi İrina Volk bildirib. Onun sözlərinə görə, saxlanılan uşaqların valideynləri məlumatlandırılıb.

“Saxlanılan 121 uşaqla xüsusi danışıqlar aparılıb. Onların bir daha qanunu pozmayacaqları barədə izahatları alınıb və sərbst buraxılıblar. Saxlanılanlardan 15 nəfər yetkinlik yaşına çatmayan şəxs barəsində protokol tətbiq edilib”, - deyə İrina Volk bildirib.

Qeyd edək ki, iyunun 12-də Rusiyanın paytaxtı Moskva və Sankt-Peterburq şəhərində narazı xalq hökumətlə razılaşdırmamış mitinq keçirib. Ayağa qalxan əhali mərkəzi meydana doğru irəliləyib. Rus polisi mitinq iştirakçılarına qarşı zor tətbiq edib. Etirazçılar da öz növbəsində polisə müqavimət göstəriblər. Onlarav dəmir qırıqları və daş atıblar. Etiraz aksiyaları Aleksey Navalnının çağırışı ilə keçirilib.

Keçirilən etiraz aksiyalarında 650 nəfər saxlanılıb. Moskvanın mərkəzində korrupsiyaya qarşı etiraz aksiyasında 150, Sankt-Peterburqda keçirilən analoji aksiyada isə 500 nəfər saxlanılıb. Sankt-Peterburqda aksiyada 3500, Moskvada isə 4500 nəfər iştirak edib.
 
Ziya Səccad
Ölkə.Az