Səfirimiz etimadnaməsini Çili prezidentinə təqdim etdi
Azərbaycanın Argentinadakı səfiri Rəşad Aslanov etimadnaməsini Çili Respublikasının prezidenti xanım Mişel Baçeletə təqdim edib.
Xarici İşlər Nazirliyinin mətbuat xidmətindən "Ölkə.Az"a bildirilib ki, R.Aslanov ölkəmiz haqqında Mişel Baçeletə ətraflı məlumat verib. Azərbaycanın təşəbbüsü ilə həyata keçirilən irimiqyaslı enerji və nəqliyyat layihələrindən bəhs edərək, Çilinin Avrasiya ilə ticarət əlaqələrində Azərbaycanın mühüm rol oynaya biləcəyini vurğulayıb.
Görüşdə Azərbaycan və Çili arasında əməkdaşlığın müxtəlif sahələrdə inkişaf perspektivlərinə dair fikir mübadiləsi aparılıb.
