Suriyada qalmaqallı görüş

"Ölkə.Az" xəbər verir ki, ABŞ və Səudiyyə Ərəbistanının kəşfiyyat orqanları tərəfindən təşkil edilən görüşdə Suriyanın neft ehtiyatları bölüşdürülüb. PYD qruplaşmasına da neftdən pay vermək barədə qərar qəbul edilib.

 

10 iyun tarixində baş tutan görüşdə İŞİD-ə qarşı koalisiyanın mətbuat katibi polkovnik Con Dorrianla birlikdə Sincar-Karaçok bölgəsində terror qruplaşmasına dəstək verən ABŞ zabitlərindən biri iştirak edib. Misir, BƏƏ və Səudiyyə Ərəbistanı nümayəndələrinin də iştirak etdiyi görüşdə Suriyanın bəzi tayfa başçıları, PKK-nın yüksək rütbəli şəxsləri də qatılıb.

 

Görüşdə Suriya neft-qaz ehtiyyatının 95 faizinə sahib Haseke, Rakka və Deyr Zor bölgələrinin gələcəyi və yeraltı sərvətlərin çıxarılması, emalı və satışı mövzusunda qərarlar qəbul edilib. Xums səhrasından keçərək Tenef, İordaniya və İsrailə çəkiləcək boru xətti Avropaya satılacaq nefti daşıyacaq və tərəflər bu mövzuda razılığa gəliblər. Görüşdə ABŞ və İngiltərə neft nümayəndələri də iştirak edib.