\"Natiq Əliyev Vyana sazişinin əsas memarlarından idi\"
Nazirliyin mətbuat xidmətindən "Ölkə.Az"a verilən məlumata görə, OPEC-in baş katibi Məhəmməd Sanusi Barkindo öz adından və kartelin Katibliyi adından N.Əliyevin vaxtsız vəfatından kədərləndiyini ifadə edərək, nazir həmkarları üzərində onun böyük təsiri olduğu bildirilib. "Zati-alilərinin rəhbərlik və müdriklik kimi keyfiyyətləri nazir dostları və həmkarları arasında ona böyük nüfuz qazandırmış idi. Bu xüsusiyyətləri və diplomatik səyləri 2016-cı ilin ikinci yarısında aparılan neft müzakirələrində, ötən ilin dekabrında OPEC və qeyri-OPEC ölkələrinin tarixi əməkdaşlığına nail olunmasında, eləcə də may ayında sazişin uzadılması zamanı mühüm rol oynayıb. Natiq Əliyev bu tarixi qərarın əsas memarlarından biri idi".