Səudiyyənin \"Blokada yox, boykot\" açıqlamasına Qətər çox sərt cavab verdi

"Ölkə.Az" xəbər verir ki, Qətərin xarici işlər nazirliyinin mətbuat xidmətinin rəisi Rumeyhi "Körfəz ölkələrinin Qətərin yeganə sərhəd qapısını bağlaması birbaşa blokadadır"-deyərək reaksiya göstərib.

 

Rumeyhi bəzi ərəb dövlətlərinin Qətərlə quru, dəniz və hava nəqliyyatını bağlamasını blokada adlandırıb.

 

Qətərin rəsmi xəbər agentliyi sayılan "QNA" bildirir ki, diplomat Qətər ilə bəzi ərəb ölkələri arasındakı böhranı dəyərləndirib: "Qardaş Körfəz ölkələrinin Qətərin tək sərhəd qapısını bağlamasını və eyni şəkildə hava, dəniz nəqliyyatını da bağlamasını boykot olaraq qəbul etmək olmaz. Bu birbaşa blokadadır.

 

Baş verən hadisələr Qətər dövlətinə,Qətərdə yaşayanlara, Qətər hökumətinə təzyiq yaratmaq məqsədi daşıyır".

 

Rumeyhi qeyd edib ki, Qətərə qarşı atılan addımlar qardaşlıq əlaqələrinə, İslami insani prinsiplərə, dəyərlərə, beynəlxalq qanunlara və insan haqları maddələrinə ziddir. Diplomat Qətərin ünvanına səslənən ittihamları da rədd edib.