Parisin yeraltı məzarlıq tunellərində itən gənclər tapıldı
Fransanın paytaxtı Parisin altındakı yeraltı məzarlıqların tunellərində iki gənc itkin düşmüşdü.
"Ölkə.Az" xəbər verir ki, 3 günlük axtarışlardan sonra gənclər tapılıb.
Verilən xəbərə əsasən, 16 və 17 yaşlı gənclərin vəziyyəti yaxşıdır. Gəncləri tapmaq üçün xüsusi təlim görmüş itlər 4 saat axtarış aparıblar.
Parisdəki yeraltı məzarlıqlar 250 km-lik tunel şəbəkəsinə sahibdir. Bu məzarlıqlar yalnız müəyyən kütlə üçün açıq olsa da, bəziləri qanunsuz olaraq gizli girişlərdən buranı kəşf ediblər.
Yeraltı məzarlıqlarda 6 milyon insan sümüyü olduğu təxmin edilir. 18-ci əsrin sonunda Orta Əsrlər məzarlıqlarının dolması səbəbindən oradakı sümüklərin çıxarılaraq yeraltı məzarlıqlara doldurulması ilə yaranıb. Məzarlıqda temperatur 15 dərəcə ətrafındadır.
Hikmət
Ölkə.Az
