Azərbaycanlı aktrisanın qızı məşhur türk rejissoruna ərə gedir
Gənc Tamaşaçılar Teatrının aktrisası Yasəmən Malikin qızı Cahan Azər məşhur türk rejissoru Savaş Çıkrak ilə ailə həyatı qurur.
"Ölkə.Az"ın milli.az-a istinadən məlumatına görə, toy məclisi şəhər restoranlarından birinin həyətində baş tutacaq.
Qeyd edək ki, Türkiyədə magistr təhsili alan Cahan Azər Azərbaycanda bir müddət kino sahəsində çalışıb. O həmçinin, Türkiyənin ən məşhur seriallarından olan “Şefkat tepe”də, “Qalib Dərviş”də çəkilib.
Savaş Çıkrak isə Türkiyənin bir neçə məşhur televiziyasında, o cümlədən Habertürk kanalında rejissor vəzifəsində çalışır.
Cahan xanım və Savaş bəy hazırda Türkiyədə “Doyuran kareler” adlı sosial layihə üzərində işləyirlər. Onlar küçə heyvanlarına alınan qida qarşılığında insanları pulsuz fotosessiya edirlər.
