Filippində toqquşmalar davam edir
"Ölkə.Az" xəbər verir ki, filippinli bir siyasətçinin məlumatına əsasən, şəhərin küçələri meyitlərlə doludur.
Maravi şəhərində İŞİD-ə qarşı mübarizə davam edir. Son toqquşmalar nəticəsində yüzlərlə insan həlak olub. Filippinli siyasətçi Zia Alonto Adionq bildirir ki, bölgədə xilasetmə və yardım işində iştirak edənlər 500 ilə 1000 arası meyit gördüklərini bildiriblər.
3 həftədir davam edən toqquşmalarda Filippin ordusu 206 terrorçu, 58 hərbçi və 26 mülki vətəndaşın həlak olduğunu bildirir. Amma deyəsən vəziyyət çox ciddidir.
Toqquşmada Avstraliya xəbər kanalının əməkdaşı da vurulub. Onun vəziyyəti indi yaxşıdır. "Maute" qruplaşması ilə baş verən silahlı toqquşmada 70 nəfər polis əməkdaşı əsir düşmüşdü. Onlardan beşi xilas edilib. 65 nəfərin aqibətindən xəbər yoxdur.
Hikmət
Ölkə.Az
