Dünyanın ən böyük kəşmir zavodu yandı
Dünyanın ən böyük kəşmir zavodu yanıb.
"Ölkə.Az" xəbər verir ki, Monqolustanın paytaxtı Ulan-Bator şəhərində fəaliyyət göstərən "Qobi" kəşmir zavodu yanıb. Verilən məlumata əsasən, binanın damında aparılan təmir işləri yanğına səbəb olub.
Xəbərə əsasən yanğın zavodun dam örtüyünün 80 faizini sıradan çıxarıb. Amma binanın daxilində yanğın yayılmayıb. 140 xilasedici yanğını ram edə bilib. Alov 10 saat ərzində söndürülüb. Ümumilikdə isə 30 min kvadrat metr ərazi yanıb.
Yanğın nəticəsində xəsarət alan olmayıb. Avadanlıq, mal və xammal da ziyan çəkməyib.
Qeyd edək ki, "Qobi" zavodu 1976-cı ildən fəaliyyət göstərir. Şirkət 30-dan çox ölkəyə kəşmir ixrac edir.
Hikmət
Ölkə.Az
