Tramp Putin barədə çəkilən filmə baxıbmı?

Oskar mükafatına layiq olan məşhur amerikalı kinorejissor Oliver Stoun Rusiya prezidenti Vladimir Putin barədə çəkdiyi filmi “Showtime” kanalında efirə verilib.

"Ölkə.Az" xəbər verir ki, film böyük marağa səbəb olub. Dünyanın tanınmış siyasətçiləri və ölkə başçılarının çoxu həmin filmi izləyib. Bir çoxu həmin filmi bəyənib.

Bu gün Ağ Evdə keçirilən tədbirdə ABŞ prezidenti Donald Trampın həmin filmi izləməsi barədə sual verilib. Ağ Ev rəsmiləri tərəfindən suala konkret cavab bildirilməyib.

“Bu barədə bizdə heç bir məlumat yoxdur. Ümumiyyətlə bu haqda müzakirə aparılmayıb”, - deyə cavab verilib.

Qeyd edək ki, Putin tanınmış kinorejossora böyük müsahibə verib. Müsahibə bu həftə Amerikanın “Showtime” kanalında yayımlanmağa başlayan filmdə yer alıb. Filmdə Putinin 2000-ci ildə ilk dəfə Rusiya prezidenti seçildikdən sonra dünyada baş verən hadisələrə münasibəti göstəriləcəkdir.

O.Stoun kəskin siyasi mövzularda filmlər çəkən rejissor kimi məşhurdur. Onun qəhrəmanları arasında ABŞ prezidentləri Riçard Nikson, Con Kennedi, Corc Buş var.

Ziya Səccad
Ölkə.Az