ABŞ polisi Ərdoğanın mühafizəçilərinin həbsi barədə qərar çıxartdı

"Ölkə.Az" xəbər verir ki, bu barədə Vaşinqton polis idarəsinin rəisi Piter Nyuzem məlumat verib. O, mətbuat konfransında deyib ki, barələrində axtarış elan edilən şəxslər arasında Ərdoğanın 9 mühafizəçisi, türk polisinin 3 zabiti və iki Kanada vətəndaşı var.

“Biz hər şeyi yaxşı gördük. Ərdoğanın mühafizəçiləri etirazçılara qarşı çox kobud rəftar edirdilər. Biz onların bu əməllərinə dözməyəcəyik. Onlar ABŞ-a gələrək qanun qarşısında cavab verməlidirlər”, - deyə Piter Nyuzem bildirib.

Qeyd edək ki, BMT Baş Assambleyasının 69-cu sessiyasında iştirak etmək üçün Nyu-Yorka gedən prezident Rəcəb Tayyib Ərdoğanın Nyu-York səfərinin son günündə qalmaqal baş verib. Dövlət Departamenti bununla bağlı Türkiyəyə etirazını bildirib. Ankara ittihamları rədd edərək hadisənin ABŞ hakimiyyətinin lazımi təhlükəsizlik tədbirləri görmədiyindən baş verdiyini iddia edib.

Ziya Səccad
Ölkə.Az