Rusiyanın "Ola bilsin ki, Bağdadini öldürdük" iddiasına ABŞ-dan cavab gəldi
Rusiya müdafiə nazirliyi Rakkada təşkil edilən hava hücumunda İŞİD lideri Bağdadinin öldürülmüş ola biləcəyini iddia edib.
"Ölkə.Az" xəbər verir ki, ABŞ tərəfi Bağdadinin ölüm xəbərinin hələ təsdiqlənmədiyini bildirib.
Rusiyanın İŞİD lideri haqqında açıqlamasından sonra ABŞ da açıqlama verib. Açıqlamada Bağdadinin ölüm xəbərinin hələ təsdiqlənmədiyi bildirilib.
Rusiya tərəfinin açıqlamasına əsasən, rus qırıcıları 28 may tarixində Rakka yaxınlığında İŞİD-in yüksək səviyyəli komandirlərinin iclas keçirdiyi bir binanı bombalayıb. Nəticədə 30 səhra komandiri ilə yanaşı 330 terrorçu qətlə yetirilib. Açıqlamaya əsasən, Bağdadi də vurulan binada olub və öldüyü barədə məlumat fərqli mənbələrdən təsdiqlənməyə çalışılır.
Öldürülənlər arasında Rakka Əmiri Əbul əl Hacı əl Misri, təhlükəsizlik üzrə məsul şəxs Süleyman əl Şavvah və Rakka ilə Suhne arasındakı əraziyə nəzarət edən İbrahim ən Neyef əl Hac da olub.
Hikmət
Ölkə.Az
Ölkə.Az
